کابل ښوونې او روزنې پوهنتون مالي او اداري چارو مرستیال د یاد معاونیت اړوند کارمندانو سره غونډه ترسره کړه!
یکشنبې ورځ د ١٤/١٠/١٤٠٤ ه.ش چې له ١٤/٧/١٤٤٧ ه.ق نېټې سره سمون لري د کابل ښوونې او روزنې پوهنتون مالي او اداري چارو مرستیال د یاد معاونیت اړوند کارمندانو سره غونډه ترسره کړه.
غونډه د قرانکریم د څو مبارکو آیاتونو په تلاوت سره پیل شوه.
لومړۍ، د کابل ښوونې او روزنې پوهنتون د مالي او اداري چارو مرستیال، ښاغلي مولوي خالد "عزیزي" غونډې ګډونوالو ته د ښه راغلاست ترڅنګ، ټولو مسؤولینو ته په منظمه توګه د دندو مخته وړلو، په نبوي سنتو د سیرت او صورت برابرولو، په اداري کارونو کې د صداقت کولو، کارمندانو حاضری او ادارو ترمنځ د همغږۍ اړوند اړینې سپارېښتنې وکړې.
وروسته، د غونډې ګډونوالو د لاندې موضوعاتو:
١٤٠٤ کال د درېیمې ربعې د فعالیتونو او لاسته راوړنو ګزارش، د ١٤٠٥ کال کاري پلان جوړولو، په جماعت او اصلاحي درسونو کې د کارمندانو ګډون، آمریتونو ترمنځ د همغږۍ، د ١٤٠٥ کال ټولو دفاترو نیازمندی معلومولو او مالي او اداري معاونیت ته د میاشتني فعالیتونو او لاسته راوړنو د ګزارشونو لېږلو اړوند بحث او خبرې وکړې.
غونډه د دعایې په ویلو سره پای ته ورسېده.
