کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د کمپیوټر ساینس پوهنځي استادانو سره غونډه ترسره کړه!
چهارشنبې ورځ د 16/3/1403 هـ.ش چې له 28/11/1445 هـ.ق نېټې سره سمون لري د کابل ښوونې او روزنې پوهنتون رئیس د کمپیوټر ساینس پوهنځی استادانو سره غونډه ترسره کړه.
غونډه د قرانکریم د څو مبارکو آیاتونو په تلاوت سره د پوهنتون رئیس، علمي چارو مرستیال، کمپیوټر ساینس پوهنځي رئیس او استادانو په ګډون پیل شوه.
لومړۍ، کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: یاده غونډه له استادانو سره، د وړاندیزونو او نظرونو اورېدلو او د ستونزو حل، کمپیوټر ساینس پوهنځي ته د کمبودو وسایلو خریدارۍ، په تدریسي چارو کې د ستونزو حل، پوهنتون اصولو او مقرراتو مطابق د تدریسي چارو مخته وړلو او د محصلینو فکري او اصلاحي روزنې په پار نیول شوې.
ښاغلي “هاشمي” استادانو ته د پوهنځي کتابتون ته د اړینې توجو کولو، د لابرتروارونو څخه ګټې اخیستنې، په تدریسي چارو کې د ستونزو حل او د پوهنتون اصولو او مقرراتو مطابق د تدریسي چارو مخته وړلو اړوند اړینې سپارښتنې وکړې.
د غونډې په پای کې ښاغلي "هاشمي" د استادانو د نظرونو او پشنهادونو اورېدلو وروسته، د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
