کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د ژبو او ادبیاتو پوهنځي د (پښتو، دري او عربي) څانګو استادانو سره غونډه ترسره کړه!
یکشنبې ورځ د ٢٤/۲/۱۴۰۳ هـ.ش چې له ٤/١١/۱۴۴۵ هـ.ق نېټې سره سمون لري د کابل ښوونې او روزنې پوهنتون رئیس د د ژبو او ادبیاتو پوهنځي د (پښتو، دري او عربي) څانګو استادانو سره غونډه ترسره کړه.
غونډه د قرانکریم د څو مبارکو آیاتونو په تلاوت سره د پوهنتون رئیس، د پوهنتون معاونینو، ژبو او دبیاتو پوهنځي رئیس او د (پښتو، دري او عربي) څانګو استادانو په ګډون پیل شوه.
لومړۍ، کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: یاده غونډه له استادانو سره خپلو مسؤولیتونو ته متوجه کېدلو او د تدریس ښه والي او کیفیت لوړاوي برخې کې د استادانو نظرونو او وړاندیزونو اورېدلو په پار نیول شوې.
ښاغلي “هاشمي” د (پښتو، دري او عربي) څانګو استادانو ته، د تدریسي چارو ښه والي، کیفیت لوړاوي، خپلو مسؤولیتونو ته زیاته توجه، د پوهنتون اصولو او مقرراتو مطابق د تدریسي چارو مخته وړلو او محصلینو سره ښه سلوک او رفتار په برخو کې اړینې سپارښتنې وکړې.
د غونډې په پای کې ښاغلي "هاشمي" د استادانو د نظرونو او پشنهادونو اورېدلو وروسته، د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
