کابل ښوونې او روزنې پوهنتون رئیس په شتون کې د څېړنو او علمي مجلو معاونیت اړوند د مقالو څېړلو کمېټې ناسته ترسره شوه!
چهارشنبې ورځ ٢٠/٨/١٤٤٦ هــ ق چې له ١/١٢/١٤٠٣ ه.ش نېټې سره سمون لري د کابل ښوونې او روزنې پوهنتون رئیس په شتون کې د څېړنو او علمي مجلو معاونیت اړوند د مقالو څېړلو کمېټې ناسته ترسره شوه.
غونډه د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیرآغا "هاشمي" د غونډې ګډوونکونکو ته د ښه راغلاست ترڅنګ، له ټولو استادانو څخه چې علمي مقالې لیکي، منندویي وکړه، زیاته یې کړه: د یادې کمېټې غړي د مقالو څېړلو برخو کې خورا زیاد مسؤولیتونه لري، د استادانو ټولې مقالې باید په ښه شکل سره وڅېړل شي او د مقالو محتوا او مضمون برخو ته پاملرنه وشي او ټولې مقالې باید د پوهنتون اصولو او مقرراتو مطابق تنظیم شي.
وروسته، د څېړنو او علمي مجلو مرستیال ښاغلي پوهنمل طاووس"محمدي" د یادې کمېټې ایجاد او ارزښت اړوند هراړخیزې خبرې وکړې.
وروسته له مقدماتي خبرو د غونډې ګډوونکونکو د کمېټې غړو د دندو لایحو معلومولو، استادانو علمي-تحقیقي مقالو د ارزونې فورم او نهایي ارزونې لپاره د اسلامي علومو ملي ژورنال او نړیوال ژورنال د مقالو توضېح اړوند بحث او خبرې وکړې.
غونډه د خیر دعا په ویلو سره پای ته ورسېده.
