کابل ښوونې او روزنې پوهنتون رئیس له عمومي کتابتون څخه لیدنه وکړه!
دوشنبې ورځ د ۲/۷/۱۴۰۳ ه.ش چې له ۲۰/۳/١٤٤٦ ه.ق نېټې سره سمون لري د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د پوهنتون له عمومي کتابتون څخه لیدنه وکړه.
د کابل ښوونې او روزنې پوهنتون رئیس ښاغلي شیخ الحدیث سید بشیر آغا"هاشمي" د پوهنتون له عمومي کتابتون څخه د لیدنې پرمهال د څېړنو او علمي مجلو مرستیال، د کتابتون له آمر او کارمندانو سره د کتابتون کمبودو وسایلو اړوند خبرې وکړې او د هغوی وړاندیزونه او نظریات یې واورېدل، همدارنګه یې په کتابتون کې له محصلینو سره ولیدل او د هغوی هڅې یې وستایلې، زیاته یې کړه: د پوهنتون رهبرۍ محصلینو ته د مطالعې برخه کې ډېرې آسانتیاوې برابرې کړې، چې د دیجیټل کتابتون له اېجاد سره ډېرې ستونزې حل شوي او کوښښ کوو اوس مهال چې کومې ستونزې موجود دي، ډېر ژر یې حل کړو.
په پای کې ښاغلي "هاشمي" د محصلینو د نظرونو او پشنهادونو اورېدلو وروسته، د هغو په عملي کولو تعهد او ټينګار وکړ.
