کابل ښوونې او روزنې پوهنتون د (۱۴۰۳) کال خزاني سمسټر درسونه د مهالویش سره سم په نورمال ډول پیل شول
شنبې ورځ د ٣/٦/١٤٠٣ هـ ش چې له ۲۰/٢/١٤٤٦ ه.ق نېټې سره سمون لري د کابل ښوونې او روزنې پوهنتون د (١٤٠٣) کال خزاني سمسټر درسونه د مهالویش سره سم په نورمال ډول او ډاډ منه فضاء کې پیل شول.
د کابل ښوونې او روزنې پوهنتون سرپرست او مالي او اداري چارو مرستیال ښاغلي مولوي حضرت ولي"زبیر" او د محصلانو چارو مرستیال ښاغلي قاضي عبدالعزیز"عزیزي" د بېلابېلو پوهنځیو د درسونو له صحنې څخه له نیږدې لیدنه وکړه، محصلینو ته یې د کابل ښوونې او روزنې پوهنتون ته د لارموندلو په پار مبارکي ورکړه او ټولو محصلینو ته یې په د تدریسي چارو کې د پوره روڼتیا او ټول پوهنتون کې د نظم او ډسپلین شتون اړوند ډاډ ورکړ.