کابل ښوونې او روزنې پوهنتون د کمپیوټر ساینس پوهنځي لخوا د یاد پوهنځي محصلینو ته د "آنلاین شغلي مهارتونو" ښوونیز پروګرام د ستاینلیکونو په ورکړې سره پای ته ورسېد!
دوشنبې ورځ د ١٨/٤/١٤٠٣ ه.ش چې له ٢/١/١٤٤٦ ه.ق نېټې سره سمون لري د پوهنتون علمي چارو او محصلانو چارو مرستیالانو، د کمپیوټر پوهنځي رئیس، استادانو او محصلینو په ګډون کې د کمپیوټر ساینس پوهنځي لخوا محصلینو ته د "آنلاین شغلي مهارتونو" ښوونیز پروګرام د ستاینلیکونو په ورکړې سره پای ته ورسېد.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کمپیوټرساینس پوهنځي رئیس ښاغلي پوهنوال قربانعلي "فروغ" په خپلو خبرو کې د کمپیوټر ساینس پوهنځي له استادانو مننه وکړه، چې محصلینو ته یې یاد ښوونیز پروګرام په بریالیتوب سره پای ته ورسوه، زیاته یې کړه: یادې د آنلاین مهارتونو برنامې په اوسنیو شرایطو کې محصلینو لپاره ډېرې ګټورې دي او محصلین باید له وخت څخه په ګټه اخیستنې سره له یادو کورسونو پوره ګټه واخلي.
وروسته، د علمي چارو مرستیال ښاغلي پوهاند دوکتور جمشېدخان"رشیدي" د یادې برنامې اړوند معلومات دایرېدلو اړوند یې خوښي څرګنده کړه او د کمپیوټر ساینس پوهنځي خدمات او لاسته راوړنې یې وستایلې.
یاد ښوونیز پروګرام وروسته له یوې اوونۍ د ستاینلیکونو پر ورکړې سره پای ته ورسېد.
