کابل ښوونې او روزنې پوهنتون د معلوماتي تکنالوژۍ څانګې لخوا د ا پوهنځیو تدریسي مدیرانو ته د برېښنایې زده کړو HELMS ورکشاپ دایر شو!
چهارشنبې ورځ ۱۴/٦/۱۴۴۵ هــ ق چې له ۶/١٠/١٤٠٢ ه.ش نېټې سره سمون لري د کابل ښوونې او روزنې پوهنتون د پوهنځیو تدریسي مدیرانو ته د پوهنتون د معلوماتي تکنالوژۍ څانګې په ICT دفتر کې د (برېښنایي زده کړو پېژندنې، برېښانیي زده کړو اهدافو، برېښنایي زده کړو ضرورتونو او برېښنایي زده کړو میتودونو) HELMS اړوند، ورکشاپ د کابل ښوونې او روزنې پوهنتون معلوماتي تنکالوژۍ آمر، استادانو او تدریسي مدیرانو په ګډون پيل شو.
یاد ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د پوهنتون معلوماتي تکنالوژۍ آمر ښاغلي ماسټر محمد منصور"واحدي" د غونډې ګډوونکونکو ته د ښه راغلاست ترڅنګ، ورکشاپ اړوند هراړخیز معلومات ورکړل او له تدریسي مدیرانو څخه یې د ورکشاپ څخه د پوره ګټه اخیستلو اړوند لازمې سپارېښتنې وکړې.
وروسته له مقدماتي خبرو، د ښاغلي پوهنمل همایون "غفوري" لخوا د برېښنايي زده کړو ورکشاپ رسماً پیل شو.
