کابل ښوونې او روزنې پوهنتون د محصلانو چارو معاونیت لخوا( د فکري روزنې کتاب ازموینې، کمپیوټر کورس فارغین او سیرت النبيﷺ ازموینې) ممتاز محصلین د یو شانداره غونډې په ترڅ کې وستایل شول!

چهارشنبې ورځ ٢٨/٥/١٤٤٧ هــ ق چې له ٢٨/٨/١٤٠٤ ه.ش نېټې سره سمون لري د کابل ښوونې او روزنې پوهنتون د محصلانو چارو معاونیت لخوا( د فکري روزنې کتاب ازموینې، کمپیوټر کورس فارغین او سیرت النبيﷺ ازموینې) ممتاز محصلین د یو شانداره غونډې په ترڅ کې د لوړو زده کړو وزارت محصلانو چارو معین، لوړو زده کړو وزارت د محصلینو خدمتونو او همغږۍ رئیس، کابل ښوونې او روزنې پوهنتون رئیس، محصلانو چارو او مالي او اداري چارو مرستیالانو، پوهنځيو رئیسانو، استادانو، اداري آمرینو او محصلینو په ګډون وستایل شول.

 غونډه د قرآنکریم د څو مبارکو آیتونو په تلاوت سره پیل شو.

لومړۍ، د لوړو زده کړو وزارت محصلانو چارو معین ښاغلي شیخ الحدیث مولوي عبدالله"سیحان" د غونډې ګډنوالو ته د ښه راغلاست ترڅنګ، له ټولو مسؤولینو او استادانو څخه چې یادو برنامو کې زیار او زحمت ایستی وو منندویي وکړه، زیاته یې کړه: قدرمنو محصلینو! تاسو د هېواد راتلونکي یاستئ، خپلو درسونو ته توجه وکړئ. کوم فرصت چې درکړل شوی له هغه څخه په سمه توګه ګټه پورته کړئ او خپل وطن ته د خدمت جوګه وګرځئ.

وروسته، د لوړو زده کړو وزارت د محصلینو خدمتونو او همغږۍ رئیس ښاغلي استاد کلیم الله "محمدي" خپلو خبرو کې وویل: یادې برنامې د محصلینو د هڅونې، غوره فعالیتونو د نندارې او د زده‌کړو د کیفیت د لوړواي لپاره مهمه ونډه لري. نوموړي له ممتازو محصلینو مننه وکړه چې د پوهنتون نوم یې روښانه کړی او په نورو محصلینو یې د لا زیاتو هڅو روحي اغېز کړی دی. همدارنګه یې له ټولو ګډون‌والو وغوښتل چې همداسې د یووالي، خدمت او لوړو علمي موخو لپاره ګډ کار ته دوام ورکړي.

غوندې په جریان کې، د اسلامي علومو پوهنځي رئیس ښاغلي شیخ عبدالمعید"ابوالجراد" په بریالیتوب سره د یادو برنامو پای ته رسېدلو اړوند هراړخیزې خبرې وکړې او محصلینو ته یې د پوره همکارۍ ډاډ ورکړ، زیاته یې کړه: راتلونکې کې داسې نورې برنامې هم دایریږي، هیله لرو چې محصلین ټولو برنامو کې ګډون وکړی.

وروسته له مقدماتي خبرو، د یادو برنامو ممتاز محصلین د لبتاب کمپیوټر، الفجر ساعت او نورو مختلفو جوایزو او ستاینلیکنو په ورکړې سره وستایل شول