کابل ښوونې او روزنې پوهنتون د محصلانو شغلي مهارتونو ورکشاپ پای ته ورسېد!
د کابل ښوونې او روزنې پوهنتون د محصلانو خدماتو چارو څانګې د محصلانو شغلي مهارتونو تقویې لپاره د Soft Skil (نرم افزار مهارتونو) زده کړيزه برنامه پای ته ورسوله.
غونډه د قرآن کریم د څو مبارکو آیاتونو په تلاوت سره پیل شوه.
یاده برنامه چې د اوو ورځو لپاره هره ورځ (45) دقيقې پر مخ وړل کېده، شنبې ورځ د ۲۸/۱۰/۱۴۴۴ هــ..ق. نېټه محصلانو ته د ستاینلیکونو پر ورکړې سره پای ته ورسېده.
دغه برنامه چې د کابل ښوونې او روزنې پوهنتون (۶۰) تنو محصلینو پکې ګډون درلود د برېښناليک، سي وي لیک، کاور لېتر ليک او د مصاحبې فنون محصلانو ته پکې تدریس شول.
ښاغلي قاري شفیع الله “آخندزاده” د محصلانو خدماتو چارو آمر د یاد ورکشاپ اړوند وویل: چې د پوهنتون محصلانو خدماتو چارو آمریت په راتلونکې کې هم په نظر کې لري تر څو د محصلانو د پوهې لوړولو د آسانتیاوو خدمتونو اړوند به لا زیات فعایتونه وکړي.
