کابل ښوونې او روزنې پوهنتون د فوق لېسانس برنامو د نصاب جوړولو کمېټې غړو ته" د فوق لېسانس برنامو د نصاب انکشاف او جوړولو" ترسرلیک لاندې ښوونیز-لارښودي یو ورځنی ورکشاپ دایر شو!
پنجشنبې ورځ ۱۲/٥/١٤٤٦ هــ ق چې له ۲۴/٨/١٤٠٣ ه.ش نېټې سره سمون لري د فوق لېسانس برنامو د نصاب جوړولو کمېټې غړو ته " د فوق لېسانس برنامو د نصاب انکشاف او جوړولو" ترسرلیک لاندې ښوونیز-لارښودي یو ورځنی ورکشاپ د کابل ښوونې او روزنې پوهنتون رئیس، علمي چارو مرستیال او د فوق لیسانس برنامو نصاب جوړولو کمېټې غړو په ګډون پيل شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیرآغا"هاشمي" د غونډې ګډوونکونکو ته د ښه راغلاست ترڅنګ د یاد ورکشاپ په دایرېدو خوښي څرګنده کړه، او د ماسټرۍ او دوکتورا برنامو د نصاب جووړلو ارزښت اړوند یې هراړخیزې خبرې وکړې، زیاته یې کړه: نصابونه باید د بین المللي معیارونو او پرمختګونو مطابق جوړ شي او نویو څېړنو او موادو ته په کې ځای ورکړل شي، همدارنګه یې د کمېټې غړو ته د نویو میتیودونو مخته وړلو، د نصابونو په سمه توګه جوړولو او د پوهنتون اصولو او مقرراتو مطابق برنامو ته پوره توجه کولو اړوند اړینې سپارېښتنې وکړې.
وروسته، د علمي چارو مرستیال ښاغلي پوهاند دوکتور جمشېدخان "رشیدي" د فوق لېسانس برنامو اېجاد او نصاب جوړولو اړوند هر اړخیزې خبرې وکړې.
په پای کې د ښاغلي پوهنوال عبدالعظیم "واسع" لخوا ورکشاپ رسماً پیل شو.
