کابل ښوونې او روزنې پوهنتون د بشري سرچینیو آمریت لخوا اداري کارمندانو ته " له مالي او اداري فساد څخه د مخنیوي " ترسرلیک لاندې علمي سیمینار وړاندې شو!
پنجشنبې ورځ د ٢٣/٣/١٤٤٦ ه.ق چې له ٥/٧/١٤٠٣ ه.ش نېټې سره سمون لري د کابل ښوونې او روزنې پوهنتون مالي او اداري چارو معاونیت د بشري سرچینیو آمریت لخوا، اداري کارمندانو ته "له مالي او اداري فساد څخه د مخنیوي" تر سرلیک لاندې علمي سیمینار وړاندې شو.
غونډه د قرآنکریم د څو مبارکو آیاتونو په تلاوت سره د تحقیقاتو او علمي محلو مرستیال، اداري آمرینو او کارمندانو په ګډون پیل شوه.
لومړۍ، د کابل ښوونې او روزنې پوهنتون د تحقیقاتو او مجلو مرستیال ښاغلي پوهنمل طاووس"محمدي" او د دعوت او ارشاد څانګې آمر ښاغلي مولوي ذبیح الله "عابد" په خپلو خبرو کې د بشري سرچینیو آمریت څخه مننه وکړه چې یاد سیمینار یې دایر کړو او کارمندانو ته یې له مالي او اداري فساد څخه د ځان ساتنې او په دنیا او آخرت کې د فساد ضررونو اړوند، اړینې سپارېښتنې وکړې.
یاد سیمینار د ښاغلي مدیر صاحب عبدالرشید "سامع" لخوا کارمندانو ته وړاندې شو.
