کابل ښوونې او روزنې پوهنتون د استادانو مسلکي پراختیا مرکز په تالار کې استادانو لپاره " تدریسي چارو کې د مربي ګری" ترسرلیک لاندې یو ورځنۍ ښوونیز-لارښودي ورکشاپ دایر کړ!
سې شنبې ورځ ٢٠/٥/١٤٤٧ هــ ق چې له ٢٠/٨/١٤٠٤ ه.ش نېټې سره سمون لري د استادانو مسلکي انکشاف آمریت لخوا د کابل ښوونې او روزنې پوهنتون د استادانو مسلکي پراختیا مرکز په تالار کې استادانو لپاره "تدریسي چارو کې د مربي ګری" ترسرلیک لاندې یو ورځنۍ ښوونیز-لارښودي ورکشاپ د کابل ښوونې او روزنې پوهنتون علمي چارو مرستیال، استادانو مسلکي پراختیا آمر، مسؤولینو او استادانو په ګډون پيل شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون علمي چارو مرستیال ښاغلي پوهنمل دوکتور قدرت الله"عمرخیل" د غونډې ګډونوالو ته د ښه راغلاست ترڅنګ د یاد ورکشاپ په دایرېدو یې خوښي څرګنده کړه، او د ورکشاپ اهمیت او ضرورتونو اړوند یې هراړخیزې خبرې وکړې، زیاته یې کړه: پوهنتون کې د تدریسي چارو ښه والي برخه کې د داسې ورکشاپونو دایرول ضروري او لازمي دي.
وروسته، د استادانو مسلکي پراختیا آمر ښاغلي پوهنوال دوکتور عبدالجبار"څپاند" ګډونوالو سره د ورکشاپ دایرولو د اهدافو او ضرورتونو اړوند هراړخیز معلومات شریک کړل.
یاد ورکشاپ د کیفیت لوړاوي څانګې مسؤل ښاغلي پوهنمل دوکتور الله محمد"بهزاد" لخوا وړاندې شو او د موضوع اړوند یې له استادانو سره هراړخیز معلومات شریک کړل.
