کابل ښوونې او روزنې پوهنتون د استادانو مسلکي انکشاف مرکز په تالار کې استادانو لپاره" په ښوونیزو سازمانونو کې د ټکر مدیریت او د اختلافاتو حل " ترسرلیک لاندې دو ورځنۍ ښوونیز-لارښودي ورکشاپ پیل شو!
چهارشنبې ورځ ١٧/٣/١٤٤٧ ه.ق چې له ١٩/٦/١٤٠٤ ه.ش نېټې سره سمون لري د استادانو مسلکي انکشاف آمریت لخوا د استادانو مسلکي انکشاف مرکز په تالار کې د کابل ښوونې او روزنې پوهنتون استادانو لپاره "په ښوونیزو سازمانونو کې د ټکر مدیریت او د اختلافاتو حل" ترسرلیک لاندې دوه ورځنۍ ښوونیز-لارښودي ورکشاپ د کابل ښوونې او روزنې پوهنتون علمي چارو مرستیال، د استادانو مسلکي انکشاف آمر، مسؤولینو او استادانو په ګډون پيل شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون علمي چارو مرستیال ښاغلي پوهنمل دوکتور"عمرخیل" د پیل وینا وکړه او د ورکشاپ اهمیت او ضرورتونو اړوند یې هراړخیزې خبرې وکړې، زیاته یې کړه: پوهنتون کې د استادانو ظرفیت لوړاوي او تدریسي چارو ښه والي برخه کې یاد ورکشاپونه خورا مهم ګڼل کیږي، همدارنګه یې: استادانو ته په ورکشاپونو کې د ګډونوالي او خپلو تحصیلي رشتو مطابق د لا زیاتو څېړنو ترسره کولو اړوند اړینې سپارېښتنې وکړې.
وروسته، د استادانو مسلکي انکشاف آمر ښاغلي پوهنوال دوکتور عبدالجبار"څپاند" ګډونوالو سره د ورکشاپ دایرولو د اهدافو او ضرورتونو اړوند هراړخیز معلومات شریک کړل.
یاد ورکشاپ د ښاغلي استاد پوهندوی زین الله"صالحي" لخوا رسماً پیل او د (د ټکر تعریف، د ټکر ډولونه، د ټکر کچې، د سازماني ټکر لاملونه، رهبري او د ټکر مدیریت، د ټکر د مدیریت پنځه عام سبکونه، د اختلافاتو حل، د سازماني اختلافاتو د حل لارې چارې، د اختلافاتو د حل مرحلې) موضوعاتو اړوند له استادانو سره هراړخیز معلومات شریک شول
