کابل ښوونې او روزنې پوهنتون د استادانو مسلکي انکشاف مرکز په تالار کې استادانو لپاره"د څېړنې په روشونو کې د پدیدې پېژندنې له کړنلارې سره بلدتیا" ترسرلیک لاندې ښوونیز-لارښودي یو ورځنی ورکشاپ دایر شو!
چهارشنبې ورځ ٩/١١/١٤٤٦ هــ ق چې له ١٧/٢/١٤٠٤ ه.ش نېټې سره سمون لري د استادانو مسلکي انکشاف آمریت لخوا د کابل ښوونې او روزنې پوهنتون د استادانو مسلکي انکشاف مرکز په تالار کې استادانو لپاره "د څېړنې په روشونو کې د پدیدې پېژندنې له کړنلارې سره بلدتیا" ترسرلیک لاندې ښوونیز-لارښودي یو ورځنی ورکشاپ د کابل ښوونې او روزنې پوهنتون علمي چارو او څېړنو او علمي مجلو مرستیالانو، استادانو مسلکي انکشاف آمر، مسؤولینو او استادانو په ګډون پيل شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون علمي چارو مرستیال ښاغلي پوهنمل دوکتور قدرت الله"عمرخیل" د غونډې ګډوونکونکو ته د ښه راغلاست ترڅنګ د یاد ورکشاپ په دایرېدو یې خوښي څرګنده کړه، او د ورکشاپ اهمیت او ضرورتونو اړوند یې هراړخیزې خبرې وکړې، زیاته یې کړه: پوهنتون کې د تدریسي چارو ښه والي لپاره د داسې ورکشاپونو دایرول خورا اړین دي چې استادان کولی شي په خپلو څېړنو کې له دې روشونو څخه کار واخلي، همدارنګه یې استادانو ته په څېړنو کې د نویو میتیودونو مخته وړلو، خپلو تحصیلي رشتو مطابق د لا زیاتو څېړنو ترسره کولو او د پوهنتون اصولو او مقرراتو مطابق د تدریسي چارو مخته وړلو اړوند اړینې سپارېښتنې وکړې.
وروسته، د استادانو مسلکي انکشاف آمر ښاغلي دوکتور عبدالجبار"څپاند" ګډونکونکو سره د ورکشاپ دایرولو د اهدافو او ضرورتونو اړوند هراړخیز معلومات شریک کړل.
په پای کې د ښاغلي دوکتور عبدالصمد"مشتاق" لخوا ورکشاپ رسماً پیل او د ورکشاپ موضوع مطابق له ګډونکونکو سره معلومات شریک شول.
