کابل ښوونې او روزنې پوهنتون او د بسکټبال ملي فدراسیون ترمنځ د دوه اړخیزو همکاریو هوکړه لیک لاسلیک شو!
شنبې ورځ د ١/١٠/١٤٠٣ ه.ش چې له ١٩/٦/١٤٤٦ ه.ق نېټې سره سمون لري د کابل ښوونې او روزنې پوهنتون او د بسکټبال ملي فدراسیون ترمنځ د دوه اړخیزو علمي او تحقیقي برخو کې هوکړه لیک د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" او د بسکټبال ملي فدراسیون د رئیس ښاغلي الحاج عبیدالله"ارغندیوال" ترمنځ لاسلیک شو.
د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د یاد هوکړه لیک اړوند خوښي څرګنده کړه، زیاته یې کړه د کابل ښوونې او روزنې پوهنتون د بدني روزنې او ورزشي علومو ځانګری پوهنځي لري چې هر کال سلګونه مسلکي استادان ټولنې ته وړاندې کوي، هیله لرو چې د یاد هوکړه لیک په تطبیق سره ورزشي برخې لا پیاوړي شي او د بسکټبال فدراسیون رئیس ته یې د یاد هوکړه لیک په عملي کولو ډاډ ورکړ.
یاد هوکړه لیک چې په یوولسو مادو کې ترتیب شوی د هوکړه لیک له مخې به د کابل ښوونې او روزنې پوهنتون او بسکټبال ملي فدراسیون ترمنځ د ( په علمي او تحقیقي او ورزشي برخو کې د دواړو اړخیزو ګډه همکاريو، ګډو ښوونیزو برنامو برابرولو، د استعدادونو پیداکولو، د روزونکو ټاکلو، د ګډو ښوونیزو برنامو سره د دواړو خواوو همکاري، ګډو تمریناتو ترسره کولو، تحقیقي پروژو ترسره کولو، توسعي برنامو جوړولو، فرهنګي برنامو ترسره کولو.... ) برخو کې لاسلیک شو.
یاده غونډه د هوکړه لیک په لاسلیک او دعایې ویلو سره پای ته ورسېد.
