کابل ښوونې او روزنې پوهنتون اسلامي علومو پوهنځي محصلینو ته درې ورځنۍ علمي سیمینار پای ته ورسېد!
پنجشنبې ورځ د ٢٦/١٠/١٤٤٦ ه.ق چې له ٤/٢/١٤٠٤ ه.ش نېټې سره سمون لري د کابل ښوونې او روزنې پوهنتون اسلامي علومو پوهنځي محصلینو ته درې ورځنۍ علمي سیمینار پای ته ورسېد.
د یاد سیمینار درېیمه ورځ د کابل ښوونې او روزنې پوهنتون د عبدالرحمن بن سمرة د غونډو په عمومي تالار کې د کابل ښوونې او روزنې پوهنتون استادانو او اسلامي علومو پوهنځي محصلینو په ګډون پیل شو چې یاد درې ورځني سیمینار کې د پوهنتون رئیس صاحب په هدایت د اسلامي علومو پوهنځي محصلینو ته (د کریدټ سیسټم ښوونې، مخدره موادو زیانونو، HLIMS سیسټم ښوونې، نبوي سنتونو ارزښت، مونوګرتف لیکنې او اطاعت ارزښت) اړوند موضوعات تشرېح او توضیح شول.
د سیمینار په دویمه ورځ د مالي او اداری چارو مرستیال ښاغلي مولوي حضرت ولي"ملنګ" لخوا د (نبوي سنتونو ارزښت) او د کمپیوټر ساینس پوهنځي رئیس ښاغلي پوهنوال همایون "عفوري" لخوا د (HELIM سیسټم ښوونې) موضوع اړوند اړین معلومات له محصلینو سره شریک کړل.
همدارنګه، د سیمینار په درېیمه ورځ د محصلانو چارو مرستیال ښاغلي مولوي رحمان ګل"وثیق" د (اطاعت اهمیت) موضوع اړوند او د څېړنو او علمي مجلو مرستیال ښاغلي پوهنمل طاووس "محمدي" لخوا د (لوړو زده کړو نوي سیسټم مطابق د مونوګراف لیکلو)اړوند هراړخیز معلومات له محصلینو شریک کړل.
درې ورځني سیمینار غونده د دعایې په ویلو سره پای ته ورسېده.
