کابل ښوونې او روزنې پوهنتون اداري شورا غونډه ترسره شوه!
یکشنبې ورځ د ١٣/١٢/١٤٠٢ه.ش چې له ٢١/٨/١٤٤٥ ه.ق نېټې سره سمون لري د کابل ښوونې او روزنې پوهنتون اداري شورا غونډه د پوهنتون رئیس، معاونینو، پوهنځیو رئیسانو او استادانو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث مولوی سید بشیر آغا "هاشمي" په خپلو خبرو کې اداري شورا غړو ته د ښه راغلاست ترڅنګ، دیني-اصلاحي درسونو ته په وخت د محصلینو حاضرېدلو، تاق سمسټر ازموینو ته آماده ګي نیولو او د لوړو زده کړو وزارت پالسی مطابق د ورځنیو دندو مخته وړلو اړوند اړینې سپارېښتنې وکړې.
همدارنګه د پوهنتون اداري شورا غړو د لاندې موضوګانو اړوند:
د تېرې اداري شورا پرېکړو ته بیا کتنه، خارج مرز استادانو موضوعاتو څېړلو، ماسټری برنامو فارغ محصلینو فراغت غونډې او د پوهنتون معاونینو او پوهنځیو رئیسانو عملیاتي پلان جوړولو اړوند بحث او خبرې وکړې.
غونډه د دعایې په ویلو سره پای ته ورسېده.
