کابل ښوونې او روزنې پوهنتون  رئیس ښاغلي شیخ الحدیث سید بشیر آغا "هاشمي" له ١٢ تنو تقاعد شویو استادانو سره غونډه ترسره کړه!

چهارشنبې ورځ د ١١/٧/١٤٠٣ هـ.ش چې له ٢٩/٣/١٤٤٦ هـ.ق نېټې سره سمون لري د کابل ښوونې او روزنې پوهنتون رئیس له ١٢ تنو تقاعد شویو استادانو سره غونډه ترسره کړه.

غونډه د قرانکریم د څو مبارکو آیاتونو په تلاوت سره پیل شوه.

 لومړۍ، کابل ښوونې او روزنې پوهنتون  رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: یاده غونډه له استادانو څخه د ترسره کړل شویو خدمتونو د مننې او د استادانو نظرونو او وړاندیزونو اورېدلو په پار نیول شوې.
زیاته یې کړه: محترمو استادانو تاسو د ټولنې یو مهمه برخه یاست خپل عمر مو د هېواد بچیو روزلو برخه کې تېر کړی، مونږ له تاسو څخه د دې خدمت په پار منندویي کوو، او غواړو چې د تل په څېر له پوهنتون سره همکار اوسئ او خپل نظرونه او وړاندیزونه د پوهنتون له رهبرۍ سره شریک کړئ.

د غونډې په پای کې استادانو له ښاغلي رئیس صاحب څخه منندویي وکړه او خپل نظرونه او پشنهادونه یې د پوهنتون رهبرۍ سره شریک کړل.

غونډه د دعایې په ویلو سره پای ته ورسېده.