کابل ښوونې او روزنې پوهنتون، پي-دي-سي تالار کې استادانو ته "په تحصیلي بنسټونو کې د انتقادي فکرونو د مهارتونو انکشاف" ترسرلیک لاندې ښوونیز-لارښودي درې ورځنی ورکشاپ دایر شو!
دوشنبې ورځ ١٦/١/١٤٤٦ هــ ق چې له ١/٥/١٤٠٣ ه.ش نېټې سره سمون لري د کابل ښوونې او روزنې پوهنتون، پي-دي-سي تالار کې استادانو ته "په تحصیلي بنسټونو کې د انتقادي فکرونو د مهارتونو انکشاف" ترسرلیک لاندې ښوونیز-لارښودي درې ورځنی ورکشاپ د کابل ښوونې او روزنې پوهنتون علمي چارو مرستیال، پي-دي-سي آمر، مسؤولینو او استادانو په ګډون پيل شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د علمي چارو مرستیال ښاغلي پوهاند دوکتور جمشېدخان"رشیدي" د غونډې ګډوونکونکو ته د ښه راغلاست ترڅنګ د یاد ورکشاپ په دایرېدو خوښي څرګنده کړه، زیاته یې کړه: استادان د ټولنې یو مهمه برخه ده او استادان د علم او زده کړو ترڅنګ باید د ښو فکرونو خاوند وي، همدارنګه یې استادانو ته د نویو میتیودونو مخته وړلو، تدریس څخه مخکې د پوره چمتووالي، محصلینو سره د ښه سلوک او د پوهنتون اصولو او مقرراتو مطابق د تدریسي چارو مخته وړلو اړوند اړینې سپارېښتنې وکړې.
په پای کې د ښاغلي پوهنمل سیدیاسین"قنبري" لخوا ورکشاپ رسماً پیل شو چې درې ورځې به دوام ولري.
