کابل ښوونې او روزنې، پروان، کندز او بامیان پوهنتونونو د کادري بستونو نوماندانو څخه د نړیوالې انگلیسي ژبې ازموینه واخیستل شوه!
کابل ښوونې او روزنې، پروان، کندز او بامیان پوهنتونونو د کادري بستونو د نړیوالې(انګلیسي ژبې ازموینه د سې شنبې ورځ د ١٧/٧/١٤٠٣ ه.ش چې د ٤/٤/١٤٤٦ ه.ق نېټې سره سمون لري د کابل ښوونې او روزنې پوهنتون د معلوماتي تکنالوژۍ په (ای-سي-ستي)مرکز کې واخیستل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث سید بشیراغا"هاشمي" ټولو نوماندانو ته د ښه راغلاست ترڅنګ، نوماندانو ته د علم ارزښت اړوند هراړخیزې خبرې وکړې، زیاته یې کړه: تاسو د هېواد او ټولنې مهم غړی یاستئ، الله تعالی مو بریالي لره ترڅو د خپل علم له لارې خپل هېواد ته خدمت وکړئ، همدارنګه یې د ازموینې اړوند استادانو او څارنې کمېټې ته اړیني سپارېښتنې وکړې او ټولو ګډونوالو ته یې د ازموینې په بهیر کې د پوره روڼتیا او امانتداری ډاډ ورکړ.
وروسته، د علمي چارو مرستیال ښاغلي پوهاند دوکتور جمشېدخان "رشیدي" په ازموینه کې د شفافیت او د ازموینې پروسیجر اړوند ټولو ګډونوالو سره معلومات شریک کړل.
په پای کې، د کابل ښوونې او روزنې پوهنتون د معلوماتي تکنالوژۍ څانګې آمر ښاغلي محمد منصور “واحدي” د آنلاین ازموینې سیسټم اړوند ګډوونکوونکو سره اړین معلومات شریک کړل
د یادونې وړ ده چې د نړیوالې انګليسی ژبې ازموینې کې د کامیابو نوماندانو تحقیقي (تحریري) ازموینه چهارشنبې ورځ ١٨/٧/١٤٠٣ ه.ش چې له ٥/٤/١٤٤٦ ه.ق. نېټې سره سمون لري په کابل ښوونې او روزنې پوهنتون کې اخیستل کیږي.
