مولوي عبدالحکیم حمدي؛ فوق لیسانس برنامې مو له مسلکي اړخه په نړۍوال معیار برابروو!
شنبه-۱۴۴۷/۱۰/۲۴
د کابل ښوونې او روزنې پوهنتون رئیس مولوي عبدالحکیم حمدي د فوق لیسانس برنامې اړوند ماسټري ټولګیو له درسي بهیر او محصلینو سره د لیدنې پرمهال وویل، چې نهایي هڅه کوي څو فوق لیسانس برنامې له مسلکي اړخه د نړۍوالو علمي معیارونو په نظر کې نیولو سره پرمخ لاړې شي.
ښاغلي حمدي د یادو برنامو تدریسي بهیر، د استادانو میتودونه، د محصلینو فعالیت او درسي سهولتونه له نږدې وکتل او په تړاو یې لازمې سپارښتنې له مسؤلینو، استادانو او محصلینو سره شریکې کړې.
