لوړو زده کړو وزارت اړوند تدریسي روغتونونو طبي اکمال تخصص بستونو ازموینه په کابل ښوونې او روزنې پوهنتون کې واخیستل شوه!
د لوړو زده کړو وزارت اړوند تدریسي روغتونونو طبي اکمال تخصص بستونو ازموینه د کابل ښوونې او روزنې پوهنتون رئیس، معاونینو، استادانو او د ازموینو ملي ادارې راغلي پلاوي په حضور کې واخیستل شوه.
جمعې ورځ د ٦/١/١٤٤٦ ه.ق چې له ٢٢/۴/۱۴۰۳ ه.ش نېټې سره سمون لري د لوړو زده کړو وزارت اړوند تدریسي روغتونونو طبي اکمال تخصص بستونو ازموینه د کابل ښوونې او روزنې پوهنتون د رئیس، معاونینو، استادانو، د ازموینو ملي اداراې راغلي پلاوي او د دوه تنو ډاکټرصاحبانو په حضور کې د ازموینې سوالونه له ټاکل شوو صندوقونو خلاص شول او په شفافه توګه د ازموینې لړۍ پیل شوه.
د پوهنتون رئیس ښاغلي شیخ الحدیث سید بشیر آغا"هاشمي" او د ازموینې ملي ادارې پلاوي د ازموینې له بهیر څخه د نظارت ترڅنګ، ټولو استادانو ته یې د ازموینې اړوند اړینې سپارېښتنې وکړې او په ازموینه کې یې د پوره شفافیت په شتون تأکید وکړ.
د یادولو وړ ده چې(٢١٢٤) تنو ډاکټرصاحبانو په کابل ښوونې او روزنې پوهنتون کې په یادې ازموینه کې ګډون درلود.
