سمسور او آباد افغانستان په هیله!
شنبې ورځ د 13/9/1445 ه.ق چې له 4/1/1403 ه.ش نېټې سره سمون لري د نجم خیریه بنسټ لخوا د کابل ښوونې او روزنې پوهنتون د لا ښکلا لپاره (200) نیالګي ډالۍ شول.
د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د نجم خیریه بنسټ له رئیس څخه منندویي وکړه، چې د پوهنتون ښکلا لپاره یې نیالګي ډالۍ کړل. زیاته یې کړه: ” د هېواد آبادوول زمونږ او ستاسو ګډ مسؤولیت او دنده ده او په هره برخه کې باید د خپل هېواد لپاره کار او زیار اوباسو.
د یادولو وړ ده چې یاد نیالګي د پوهنتون رئیس، علمي چارو او مالي او اداري چارو معاونینو او د نجم خیریه بنسټ رئیس په حضور کې د پوهنتون مختلفو ساحو کې کېنول شول.
