د کابل ښوونې او روزنې پوهنتون محصلینو ته د لوړو زده کړو وزارت لخوا اصلاحي - دیني زده کړیز پروګرام لړۍ پیل شوه!
یکشنبې ورځ د ١٩/٦/١٤٠٢هـ.ش چې له ٢٤/٢/١٤٤٥هـ.ق نېټې سره سمون لري د کابل ښوونې او روزنې پوهنتون محصلینو ته د لوړو زده کړو وزارت لخوا اصلاحي - دیني زده کړیز پروګرام لړۍ پیل شوه.
د یاد زده کړیز پروګرام په پیل کې د کابل ښوونې او روزنې پوهنتون رئیس ښاغلی شیخ الحدیث مولوي سید بشیر آغا "هاشمي"، د دعوت او ارشاد څانګې مسئوولینو، د لوړو زده کړو څخه راغلی دیني عالم او محصلینو ګډون درلود.
د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" د لوړو زده کړو دیني عالم شیخ مولوي عصمت الله "نعماني" ته د ښه راغلاست تر څنګ د دې درسونو په پیلېدو خوښي څرګنده کړه، زیاته یې کړه چې، د یاد پوهنتون د دعوت او ارشاد څانګې مسئوولین به د دې پروګرام په پلي کېدو کې د لوړو زده کړو وزارت سره پوره همکار وي.
ورپسې د لوړو زده کړو وزارت لخوا راغلي دیني عالم ښاغلي شیخ عصمت الله "برهاني" د یاد زده کړیز پروګرام په اړه محصلینو ته پوره معلومات وړاندې کړل او زیاته یې کړه، “ یاد درسونه محصلینو ته په دیني - اصلاحي برخو کې تدریس کېږي”.
د یادونې وړ ده، چې یاد درسونه به هره ورځ په اوونۍ کې څلور ورځې د سهار له (١١) بجو څخه د غرمې تر (١٢) بجو پورې محصلینو ته تدریس کېږي.
