د کابل ښوونې او روزنې پوهنتون د ټولنیزو علومو پوهنځي پسرلني سمستر د پای ته رسېدو او خزاني سمستر پیل کېدو په پار د قرآنکریم ختم ترسره کړ!
یکشنبې ورځ د ١٤٠٢/٥/١٥هـ.ش. چې له ١٤٤٥/١/١٩ هــ ق نېټې سره سمون لري د کابل ښوونې او روزنې پوهنتون د ټولنیزو علومو پوهنځي د پسرلني سمستر پای ته رسېدو او خزاني سمستر په پیل کېدو د قرآنکریم ختم تر سره کړ، د پوهنځي مشرتابه له استادانو، اداري کارمندانو او اول نمره ګانو د ستاینلیکونو په ورکړې سره منندویي وکړه.
په یاده غونډه کې د محصلانو چارو مرستیال، د پوهنځي رئیس، استادانو او محصلینو ګډون درلود.
غونډه د قرآنکریم د څو مبارکو آیاتونو په تلاوت سره پیل شوه.
لومړی د ټولنیزو علومو پوهنځي رئيس ښاغلي پوهنمل محمد اشرف “افضلي” په خپلو خبرو کې وویل: خوښ یو چې، پسرلنی سمستر په بریالیتوب سره پای ته ورسېد او خزاني سمستر مو پیل کړ زیاته یې کړه چې، یاده غونډه د قرآنکریم د ختم په پار نیول شوې د اللهﷻ شکر ادا کوو چې مونږ ته يې د خدمت کولو زمینه راکړه له استادانو، اداري کارمندانو او د هر صنف اول نمره ته د ستاینلیک پر ورکړې سره مننه کوو چې د پسرلني سمستر په جریان کې یې کوښښونه کړي.
غونډه د قرآنکریم د ختم او ستاینلیکونو پر ورکړې سره پای ته ورسېده.
