د کابل د ښوونې او روزنې پوهنتون د علمي کادر د غړو علمي کنفرانسونه ترسره شول
د کابل د ښوونې او روزنې په پوهنتون کې د دغه پوهنتون د علمي څېړنو د انسجام د آمریت لهخوا د ۱۴۰۰ کال د درېیمې ربعې کنفرانسونه د روان کال د کب میاشتې له لومړۍ نېټې څخه تر ۳یمې نېټې پورې ترسره شول چې د څېړنو د انسجام مرکز آمر ښاغلي پوهنیار طاووس محمدي، د پوهنتون د علمي څېړنو د مرکز غړو، د علمي څېړنو د انسجام مرکز د اداري برخې مسؤولینو، د پوهنځیو رئیسانو، د څانګو آمرانو او استادانو ګډون پکې کړی و.
دغه کنفرانس د قرآنکریم د څو مبارکو آیتونو په تلاوت سره پیل شو او ورپسې د استادانو د علمي کنفرانسونو لړۍ په رسمي ډول پیل شوه. د یادونې ده چې دغه کنفرانسونه درې ورځې د ښځو او نرانو په جلا برخو کې له مخکې جوړ شوي مهالوېش سره سم په منظم ډول د استادانو په شتون کې وړاندې شول او د سې شنبې په ورځ پای ته ورسېدل.
