د پوهنیار سراجالدین سعیدي ژوندلیک د تاریخ دیپارتمنت سرپرست
پوهنیار سراجالدین سعیدي د فضلالرحمن زوی، د ۱۳۷۱ لمریز کال د ۷ مې میاشتې په لومړۍ نېټه، د پنجشېر ولایت د آبشار ولسوالۍ په یوه فرهنګي، متدینه او علمدوسته کورنۍ کې وزېږېد. نوموړي خپلې ابتدایي او متوسطه زدهکړې د آستانهٔ کلان په متوسطه ښوونځي کې بشپړې کړې او وروسته په ۱۳۸۶ لمریز کال کابل ته ولاړ، چې د غازي عالي لیسې څخه یې د لېسې دوره په بریالیتوب سره پای ته ورسوله.
نوموړي په ۱۳۹۱ لمریز کال کې د آزاد کانکور له لارې د کابل د تعلیم او تربیې پوهنتون د لیسانس مرحلې ته لار وموندله او د تاریخ په څانګه کې یې د پنځو کلونو (شپېنۍ) لیسانس دوره په ۱۳۹۶ لمریز کال کې په بریالیتوب سره بشپړه کړه. د تاریخ څانګې ته د ځانګړې لېوالتیا له امله، نوموړی په ۱۳۹۸ لمریز کال کې د هندوستان هېواد ته ولاړ او د نویدا نړیوال پوهنتون (Noida International University) کې یې د تاریخ د ماستري دوره پیل کړه، چې له دوو کلونو (څلورو سمېسترو) او د تېزس له دفاع وروسته یې د تاریخ د ماستري سند په ۱۴۰۰ لمریز کال کې تر لاسه کړ.
لکه څنګه چې پورته یادونه وشوه، نوموړي نږدې لس کاله د کتابونو د طبع او نشر په برخه کې فعالیت کړی او د پام وړ فرهنګي خدمتونه یې ترسره کړي دي. د بېلګې په توګه، د وحدت خپرندویې بنسټ تأسیس یادولی شو، چې د دې له لارې لسګونه درسي او غیر درسي کتابونه چاپ او خپاره شوي دي.
د استادی له مسلک سره د ځانګړې علاقې په درلودلو، نوموړی د ۱۴۰۳ لمریز کال په پسرلي کې د آزاد رقابتي ازموینې له لارې د تاریخ دیپارتمنت ته جذب شو او تر اوسه د یاد دیپارتمنت د برحال استاد په توګه په اکاډمیکو فعالیتونو بوخت دی. همدارنګه، په تېرو یو کال کې د تاریخ دیپارتمنت د منشي په توګه دنده ترسره کړې ده او د ۱۴۰۴ لمریز کال د نهمې میاشتې له جلسی وروسته، د تاریخ دیپارتمنت د سرپرست په توګه وټاکل شو، چې تر اوسه پورې په همدې بست کې خپلې دندې پر مخ وړي.
سربېره پر دې، نوموړی د پوهنځي د امتحاناتو د کمېټې د مسئول، د پوهنتون د امتحاناتو د کمېټې د غړي، او همدارنګه د کیفیت د لوړونې، د ستراتېژیک پلان د تطبیق د څارنې او د فرهنګي کمېټو د منشي په توګه د پوهنځي په کچه فعالیت کوي.