د هېواد مرکزي پوهنتونونو ترمنځ د والیبال سیالیو پرانېست غونډه او لړۍ د کابل ښوونې او روزنې پوهنتون کې پیل شوه!

یکشنبې ورځ د ١٤٤٥/٣/٨ هـــ.ق. چې له ١٤٠٢/٧/٢ هـ.ش نېټې سره سمون لري د لوړو زده کړو وزارت د محصلانو چارو معین، د محصلانو چارو رئیس، د محصلانو خدماتو چارو د همغږۍ رئیس، د مرکزي پوهنتونونو رئیسانو، د پوهنتونونو معاونینو، د کابل ښوونې او روزنې پوهنتون د پوهنځیو رئیسانو، استادانو، اداراي آمرینو، کارمندانو او محصلینو په ګډون د والیبال سیالو لړۍ د کابل ښوونې او روزنې، پولی تخینک، کابل طبي، کابل پوهنتون، البېروني او جامع عبدالله ابن مسعود (رض) پوهنتونونو ټیمونو پکې ګډون درلود د سیالیو پرانېست غونډه او لړۍ د کابل ښوونې او روزنې پوهنتون په ورزشي میدان (جمنازیوم) کې پیل شوه.

پرانېست غونډه د قرآن کریم د څو مبارکو آیاتونو په تلاوت سره پیل شوه.

لومړی د کابل ښوونې او روزنې پوهنتون رئیس ښاغلي شیخ الحدیث و القران مولوي سید بشیر آغا “هاشمي” د غونډې ګډون کوونکو ته د ښه راغلاست ترڅنګ د سیالیو اړوند وویل: یادې سیالۍ به د کابل ښوونې او روزنې پوهنتون په استازولۍ په یوه آرامه او ډاډمنه فضا کې ترسره شي.

همدارنګه، نوموړي په خپلو خبرو کې له ټولو لوبغاړو وغوښتل چې د سیالو په لړۍ کې اخلاقي، اسلامي او ورزشي اصول مراعات کړي، ترڅو لوبې په ښه او آرامه فضا کې ترسره شي.

همدارنګه، د غونډې په جریان کې د جامع عبدالله ابن مسعود (رض) پوهنتون رئیس ښاغلي مولوي روح الله "آخندزاده" د ورزش اهمیت اړوند خبرې وکړې، زیاته یې کړه چې هیله مند یم یادې سیالۍ د سولې او ورور ولۍ په فضا کې پای ته ورسیږي.

ورپسې د وزارت د محصلانو چارو د خدماتو د همغږۍ ریاست رئیس ښاغلي قاضي کلیم الله “محمدي” په خپلو ارزښتناکو خبرو کې ټولو لوبغاړو ته د اسلامي، اخلاقي او ورزشي اصولو اړوند سپارښتنې وکړې، زیاته یې کړه چې د لوړو زده کړو د محصلانو چارو ریاست په همغږۍ یادې سیالۍ په لار اچول شوې او هڅه کوو چې په نورو برخو کې هم داسې تورنمېنټونه برابر کړو.

په پای کې د دعایې ویلو وروسته د البېروني او پولیتخنیک" پوهنتونو د والیبال ټیمونو ترمنځ یادې سیالۍ رسماً پیل شوې.