د لوړو زدهکړو وزارت مالي او اداري مرستیال د دې وزارت د یوشمېر رييسانو کارونه وستايل.
د لوړو زده کړو وزارت مالي او اداري مرستیال د معلوماتي تکنالوژۍ او بشري سرچينو د رييسانو د بريالي او ښه مديريت ستاينه وکړه.
د لوړو زده کړو مالي او اداري مرستیال ښاغلي نوراحمد درويش د يادو رييسانو د اختصاصي پروګرام له ارزونې وروسته چې د اداري اصلاحاتو او ملکي خدمتونو د استازو په حضور کې ترسره شو وويل؛ چې د بشري سرچينو رييس ښاغلي مصطفی يونس زاد او د معلوماتي تکنالوژۍ رييسه آغلې شکريه جمال د دې وزارت فعال او د لاسته راوړنو درلودونکي رييسان دي چې د ارزونې پړاو يې بريالی و.
د لوړو زده کړو وزارت مالي او اداري مرستیال له يادو او نورو رييسانو څخه چې د هېواد د لوړو زده کړو د نظام او اداري سېستم په ښه والي کې يې هڅه کړې؛ ستاینه وکړه او د دوی ارزښت لرونکي خدمتونه يې مهم وبلل.
