د عامې روغتیا وزارت د ۴۵۰ بستره روغتون مسؤولینو د کابل ښوونې او روزنې پوهنتون کارمندانو او خدماتي کارکوونکو ته د "مخدره موادو څخه ځان ساتنې" ورکشاپ دایر کړ!
سې شنبې ورځ ١٣/٦/۱۴۴۵ ه.ق. چې له ٥/١٠/١٤٠٢ ه.ش. نېټې سره سمون لري د عامې روغتیا وزارت د ٤٥٠ بستره روغتون مسؤولینو د کابل ښوونې او روزنې پوهنتون کارمندانو او خدماتي کارکوونکو ته د "مخدره موادو څخه ځان ساتنې" اړوند، ورکشاپ د کابل ښوونې او روزنې پوهنتون د عبدالرحمن بن سمرة "رض" د غونډو په عمومي تالار کې د پوهنتون رئیس، اداري چارو مرستیال، اداري آمرینو، کارمندانو، خدماتي کارکوونکو او د یاد روغتون مسؤولینو په ګډون دایر شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا"هاشمي" د غونډې ګډوونکونکو ته د ښه راغلاست ترڅنګ، د روغتون له مسؤولینو څخه مننه وکړه چې یاد ورکشاپ يې دایر کړ او د اسلام له نظره د مخدره موادو زیانونو او حراموالي اړوند یې هر اړخیزي خبرې وکړې.
وروسته، د روغتون مسؤول ښاغلي ډاکټر صدیق د ورکشاپ دایرېدو، هدف او موخې اړوند معلومات د غونډې ګډوونکونکو سره شریک کړل.
په پای کې د روغتون مسؤولینو د غونډې ګډوونکونکو ته د "مخدره موادو څخه د ځان ساتنې" ورکشاپ په مختلفو برخو کې دایر کړ.
