د تدرسي چارو ښه والي په پار د کابل ښوونې او روزنې پوهنتون رئیس د اسلامي علومو پوهنځي له استادانو سره غونډه ترسره کړه!
شنبې ورځ د ٢٠/٢/١٤٠٤ هـ.ش چې له ١٢/١١/١٤٤٦ هـ.ق نېټې سره سمون لري د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د اسلامي علومو پوهنځی له استادانو سره غونډه ترسره کړه.
غونډه د قرانکریم د څو مبارکو آیاتونو په تلاوت سره د پوهنتون رئیس، اسلامي علومو پوهنځي معاون، دعوت او ارشاد څانګې آمر او د یاد پوهنځي استادانو په ګډون پیل شوه.
لومړۍ، کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د غونډې ګډوونکونکو ته د ښه راغلاست ترڅنګ، وویل: یاده غونډه له استادانو سره د تدریسي چارو ښه والي، ښو درسي میتیودونو عملي کولو، په کنفرانسونو او سیمینارونو کې د استادانو ګډونوالي، علمي مقالو لیکلو، د نویو استادانو سره د پېژندنې او په سمه توګه د مسؤلیتونو مخته وړلو په پار نیول شوې.
زیاته یې کړه: محترمو استادانو تاسو د نظام یو مهمه برخه یاست او د دیني مضامین د محصلینو لپاره خورا اړین او مهم مضامین دي، د محصلینو روزل او تربیه ستاسو په لاس کې ده او د ښې روزنې راتلوونکۍ روښانه وي، خپلو مسؤلیتونو ته متوجه شئ او د پوهنتون اصولو او قوانینو ته په کتو خپلې تدریسي چارې پر مخ یوسئ.
ښاغلي “هاشمي” د اسلامي علومو پوهنځي استادانو ته د تدریسي چارو ښه والي، علمي مقالو لیکلو، نويو تدریسي میتیودونو مخته وړلو، په کارونو کې صداقت، پروخت درسي چارو ته رسیدګۍ او محصلینو سره ښه سلوک او رفتار په برخو کې اړینې سپارښتنې وکړې.
د غونډې په پای کې ښاغلي "هاشمي" د استادانو له نظرونو او وړاندیزونو اورېدلو وروسته، د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
