د افغانستان ښوونیزو او لوړو زده کړو بنسټونو پیاوړتیا ملي کنفرانس!
کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" پیغام!
ګرانو هېواد والو! دا چې د یو هېواد بنسټ پر علم ولاړ دی او د علم په شتون کې هر هېواد، ترقۍ او پرمختګ ته رسیږي او پرته له علم څخه یوه ټولنه پرمختګ نشي کولای، دا مو ایماني او اسلامي دنده ده چې خپل هېواد او هېوادوالو ته د علم په برخه کې لا زیار او کوښښ وکړو.
کابل ښوونې او روزنې پوهنتون د افغانستان ښوونیزو او لوړو زده کړو پیاوړتیا لپاره ملي کنفرانس ته آماده ګي نیسي چې د روان کال سلواغې میاشت په څلورمه او پینځمه نېټه دایر کړي او یاد ملي کنفرانس کې به د افغانستان ښوونیزو او لوړو زده کړو بنسټونو پیاوړتیا لپاره اړین خدمتونه وشي.
د یاد کنفرانس دایرېدو اړوند د ټولو استادانو څخه چې کنفرانس ته یې مقالې لېږلې او زحمتونه یې ایستلي او کابل ښوونې او روزنې پوهنتون کارمندانو څخه، مننه کوو او له ټولو هېواد والو څخه هیله کوو چې د کنفرانس دایرېدو په ورځو کې د کنفرانس اهداف او موخې د اجتماعي صفحاتو له لارې تعقیب کړي.
د یو متحد او ودان افغانستان په هیله د کابل ښوونې او روزنې پوهنتون رئیس.
