د افغانستان ښوونيزو او لوړو زده کړو بنسټونو د پیاوړتیا ملي کنفرانس غونډه ترسره شوه.

سې شنبې ورځ د 1445/1/14هــ.ق. نېټه د افغانستان ښوونيزو او لوړو زده کړو بنسټونو د پیاوړتیا ملي کنفرانس غونډه د کابل ښوونې او روزنې پوهنتون علمي چارو معاونیت کې ترسره شوه.

په یاده غونډه کې د کابل ښوونې او روزنې پوهنتون علمي چارو مرستیال ښاغلي دوکتور پوهاند جمشېدخان "رشیدي"، د لوړو زده کړو وزارت د څېړنې، تألیف او ترجمې رئیس ښاغلي دوکتور حمیدالله "مزمل"، د پوهنې وزارت د څېړنې ریاست رئیس ښاغلي دوکتور محمد عمر "دوران زی" او د پوهنتون د څېړنې څانګې غړو ګډون درلود.

غونډه د قرآنکریم د څو مبارکو آیاتونو په تلاوت سره پیل شوه.

لمړی د کابل ښوونې او روزنې پوهنتون علمي چارو مرستیال ښاغلي دوکتور پوهاند جمشېدخان "رشیدي" د غونډې ګډونکوونکو ته د ښه راغلاست تر څنګ د غونډې دایرېدو اړوند خبرې وکړې زیاته یې کړه چې، روان کال د سلواغې میاشتې په ٤ نېټه د افغانستان ښوونيزو او لوړو زده کړو بنسټونو پیاوړتیا تر نامه لاندې ملي کنفرانس دایریږي چې، د یادې غونډې موخه د ښوونیز او تحصیلي بنسټونو د ستونزو حل او د لوړو زده کړو وزارت او پوهنې وزارت د همغږۍ یووالی دی.

همدارنګه د لوړو زده کړو وزارت د څېړنې، تألیف او ترجمې رئیس ښاغلي دوکتور حمیدالله “مزمل” د لوړو زده کړو وزارت او پوهنې وزارت په یووالي او همکارۍ ټينګار وکړ.

وروسته د پوهنې وزارت د څېړنې رئیس ښاغلي دوکتور محمد عمر "دوران زي" د یاد کنفرانس په دایرېدو د ښوونې او روزنې پوهنتون رهبرۍ ته د بریالیتوب غوښتنه وکړه او د پوهنې وزارت د هر ډول همکارۍ خبر یې ورکړ.

غونډه د دعایې په ویلو سره پای ته ورسېده.