کابل ښوونې او روزنې پوهنتون علمي شورا میاشتنۍ نوبتي غونډه ترسره شوه!
دوشنبې ورځ د ٢٨/٧/١٤٠٤ ه.ش چې له ٢٧/٤/١٤٤٧ ه.ق نېټې سره سمون لري د کابل ښوونې او روزنې پوهنتون علمي شورا غونډه د پوهنتون رئیس، معاونینو، پوهنځیو رئیسانو او علمي شورا غړو په ګډون ترسره شوه.
غونډه د قرانکریم د څو مبارکو آیاتونو په تلاوت سره پیل شوه.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" د پیل وینا وکړه، ګډونوالو ته یې د پوهنتون ملي او نړیوالو ژونالونو کې د مقالو نشرولو او یادو ژورنالونو غني کولو اړوند اړینې توصیې وکړې، زیاته یې کړه: کابل ښوونې او روزنې پوهنتون د هېواد په کچه د استادانو د روزنې مسلکي پوهنتون دی، کوښښ باید وشي چې تدریسي چارې په منظم ډول پرمخ ولارې شي؛ ترڅو ټولنې ته مسلکي او متعهد استادان وړاندې شي. همدارنګه یې له ګډونوالو سره د پوهنتون ریاست د ١٤٠٤ کال د اولې او دویمې ربعې ګزارش شریک کړ چې د علمي شورا غړو لخوا تأیید شو.
وروسته، د علمي چارو چارو مرستیال د خپل اړونده معاونیت د ١٤٠٤ کال دویمې ربعې ګزارش یې د علمي شورا غړو سره شریک کړ.
د غونډې په جریان کې د پوهنتون علمي شورا غړو د لاندې موضوګانو:
د پوهنتون ریاست د ١٤٠٤کال اولې او دویمې ربعې ګزارش تأییدي، د علمي چارو معاونیت د ١٤٠٤ کال دویمې ربعې ګزارش تأییدي، د ١٤٠٣ کال د پوهنتون استراتیژیک پلان اړوند د عملیاتي پلان د تطبیق ګزارش تأییدي، د نه ګونو پوهنځیو د ١٤٠٤ کال دویمې ربعې ګزارش تأییدي، د پوهنتون نصاب کمېټې دویمې ربعې ګزارش تأییدي، فوق لېسانس برنامو د نصاب بیاکتنې او تعدیل تأییدي، اختصاصي علومو پوهنځي کې د ماسټری برنامې اېجادولو، د استادانو ترفېع او انفکاک دوسیو څېړلو او متفرقه موضوګانو اړوند بحث او خبرې وشوې، چې د علمي شورا غړو لخوا تأیید شوې.
غونډه د دعایې په ویلو سره پای ته ورسېده
