د کمپیوټر ساینس پوهنځي ریاست
د کمپیوټر ساینس پوهنځي د مرستیالۍ تاریخچه او پېژندنه
د کمپیوټر ساینس پوهنځی له ۱۳۹۲ کال نه مخکې د طبیعي علومو پوهنځي په چوکاټ کې د کمپیوټر ساینس دیپارتمنت په نوم فعالیت درلود. په ۱۳۹۲ کال کې، دې ډیپارتمنت د کمپیوټر ساینس پوهنځي ته ارتقاء وکړه، چې دوه ډیپارتمنتونه، شبکې او د معلوماتو مدیریت، یې درلودل. وروسته، په ۱۳۹۷ هجري شمسي کال کې، د پوهنځي د رهبرۍ د غوښتنې او د پوهنځي د علمي شورا د تایید پر بنسټ، د دې پوهنځي نوم د کمپیوټر ساینس پوهنځي ته تعدیل شو.
همداراز، د نړیوالو معیارونو مطابق، د دې پوهنځي د ډیپارتمنتونو نومونه معلوماتي تکنالوژۍ او معلوماتي سیستمونو ته بدل شول. په ۱۳۹۹ کال کې، د کمپیوټرزده کړې ډیپارتمنت د پوهنځي د رهبرۍ لخوا وړاندیز شو او د ۱۴۰۰ کال په مني کې د لوړو زده کړو وزارت لهخوا منظور شو.
دا پوهنځی اوس مهال له درې ډیپارتمنتونو او نږدې ۴۰۰ محصلینو سره خپل تدریسي، علمي، او څېړنیز فعالیتونه پر مخ وړي. د ۱۴۰۳ کال تر پایه، دې پوهنځی خپله اوولسمه دوره فارغان ټولنې ته وړاندې کړې. تر اوسه پورې، دې پوهنځی له ۱۳۰۰ څخه زیات فارغان ټولنې او د کار بازار ته وړاندې کړي، چې ډېری یې په دولتي او خصوصي مؤسسو، د معلوماتي تکنالوژۍ سکتورونو، لوړو او نیمه لوړو زده کړو مؤسسو، او ښوونځیو کې د استادانو په توګه دندې ترسره کوي.
اوس مهال، په دې پوهنځي کې ۱۹ تنه علمي کادر تدریس کوي. له دې جملې، ۲ تنه استادان یې د کابل پوهنتون په ماسټرۍ پروګارم کې زده کړې کوي، او ۲ استادان په مالیزیا کې د دوکتورا زده کړې ترسره کوي.
د پوهنځي د مرستیالانو نوملړ
له تأسیس راهیسې، لاندې کسانو د پوهنځي د مرستیالۍ دنده ترسره کړې:
- محترم پوهنوال قربانعلي فروغ (۱۳۹۲ – ۱۳۹۳)
- محترم پوهنوال شاولی شهیدي (۱۳۹۳ – تر اوسه)
د پوهنځي د مرستیالۍ فعالیتونه او مسؤلیتونه
- دپوهنځي درئیس دنشتون په صورت کې د علمي شورا د غونډو مشري
- د مقرراتو، لوایحو، قوانینو، او علمي شوراګانو د پرېکړو په تطبیق کې د پوهنځي له رئیس سره مرسته
- د تدریسي دفتر د چارو نظارت
- د پوهنځي د کارکوونکو او ساتونکو د فعالیتونو څارنه
- د امتحانونو د بهیر نظارت او د راپور وړاندې کول
- د دیپارتمنتونو، کمیټو، او د عمومي تدریسي مدیریت د فعالیتونو ارزونه او راپور ورکول
- نورې هغه دندې چې د قانون او اکاډمیکو اصولو له مخې ور پورې اړه لري
کاري پلان
- د ۱۴۰۴ کال د پلان ترتیب او تنظیم
- د رئیس د نشتون په صورت کې د علمي او اداري شورا د غونډو مشري
- د علمي، تدریسي، او اداري چارو نظارت
- په علمي او اداري چارو کې د پوهنځي له رئیس سره همکاري
- د امتحانونو د بهیر څارنه
- د فعالیتونو راپور ورکول
راتلونکي پلانونه
- د ۱۴۰۴ کال د پوهنځي د پلانونو تطبیق
- د پوهنځي د مختلفو کمیټو د فعالیتونو نظارت
- د ډیپارتمنتونو، کمیټو، د تدریس مدیریت، او کتابتون د فعالیتونو ارزونه د اعتبار ورکولو سند د ساتلو په موخه
- د دوسیه بندۍ او د پوهنځي د معلوماتي ډیټابېس د سیستم څارنه