امتحانِ زبان‌های بین‌المللی (انگلیسی و عربی) کاندیدانِ بست‌های کادری پوهنتونهای تعلیم وتربیه کابل، بامیان، کندز البیرونی، پکتیکا و موسسه خصوصی تحصیلات عالی جهان اخذ گردید!
روز چهارشنبه موُرخ 9/12/1402 مطابقِ 17/8/1445 ه.ق. امتحانِ زبان‌های بین‌المللی (انگلیسی و عربی)کاندیدان بست‌های کادری پوهنتونهای تعلیم و تربیه کابل، بامیان، کندز، البیرونی، پکتیکا و موسسه خصوصی تحصیلات عالی جهان در مرکز آی سی تی (ICT) پوهنتون تعلیم و تربیه کابل اخذ گردید.
در آغاز، محترم شیخ الحدیث مولوی سید بشیر آغا "هاشمی" رئیس پوهنتون تعلیم و تربیه کابل، ضمن خوش آمدید به کاندیدان بست‌های کادری، به استادان و تیم تخنیکی راجع به چگونه‌گی امتحان توصیه‌های لازم کرده و به تمام اشتراک کنندهگان از شفافیت کامل و امانت‌داری در امتحان اطمینان دادند.
هم‌چنان، محترم پوهاند دوکتور جمشیدخان"رشیدی" آمر انسجام استادان، پروسیجر امتحان را به همه اشتراک کنندهگان تشریح کرد.
در آخر، محترم، محمدمنصور "واحدی" آمر تکنالوژی معلوماتی پوهنتون، به اشتراک کنندهگان راجع به شفافیت در امتحان و سیستم امتحان آنلاین معلومات همه جانبه را ارائه کرد.
قابل ذکر است که امتحانِ تخصصی(تحریری) کاندیدان موفق امتحان زبان‌های بین‌المللی (انگلیسی و عربی) روز پنجشنبه موُرخ 10/12/1402 مطابقِ 18/8/1445 ه.ق. در پوهنتون تعلیم و تربیه کابل اخذ می‌گردد.
