کابل ښوونې او روزنې، بامیان، کندز، البیروني، پکتیکا پوهنتونونو او جهان د لوړو زده کړو خصوصي مؤسسې د کادري بستونو نوماندانو څخه د نړیوالو (انگلیسي او عربي) ژبو ازموینه واخیستل شوه!
چهارشنبې ورځ 9/12/1402 ه.ش چې له 17/8/1445 ه.ق. نېټې سره سمون لري د کابل ښوونې او روزنې، بامیان، کندز، البیروني، پکتیکا پوهنتونونو او جهان د لوړو زده کړو خصوصې مؤسسې د کادري بستونو نوماندانو څخه د نړیوالو (انگلیسي او عربی) ژبو ازموینه د یاد پوهنتون په آی سي ټي (ICT) مرکز کې واخیستل شوه.
په پیل کې، د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" ټولو نوماندانو ته د ښه راغلاست ترڅنګ، د ازموینې اړوند استادانو او څارنې کمېټې ته اړیني سپارېښتنې وکړې او ټولو ګډونوالو ته یې د ازموینې په بهیر کې د پوره روڼتیا او امانتداری ډاډ ورکړ.
همدارنګه، د علمي چارو مرستیال ښاغلي پوهاند دوکتور جمشېدخان“رشیدي“ د ازموینې پروسیجر ټولو ګډونوالو ته تشرېح کړ.
په پای کې، د کابل ښوونې او روزنې پوهنتون د معلوماتي تکنالوژۍ څانګې آمر ښاغلي محمدمنصور “واحدي” د ازموینې شفافیت او آنلاین ازموینې سیسټم اړوند ګډوونکوونکو سره اړین معلومات شریک کړل
د یادونې وړ ده چې د نړیوالو(انګليسی او عربي) ژبو ازموینه کې د کامیابو نوماندانو تحقیقي (تحریري) آزموینه پنجشنبه ورځ 10/12/1402 ه.ش چې له 18/8/1445 ه.ق. نېټې سره سمون لري په کابل ښوونې او روزنې پوهنتون کې اخیستل کیږي.
