کابل ښوونې او روزنې پوهنتون د علمي چارو معاونیت اړوند د استادانو مسلکي پراختیا آمریت له لوري د پوهنتون استادانو لپاره ( د زده کړې ارواپوهنې له بنسټونو سره د بلدتیا) ترسرلیک لاندې یو ورځنۍ ورکشاپ وړاندې شو!
سې شنبې ورځ ٣٠/٧/۱۴۴۷ هــ ق چې له ٣٠/١٠/١٤٠٤ ه.ش نېټې سره سمون لري د کابل ښوونې او روزنې پوهنتون د علمي چارو معاونیت اړوند د استادانو مسلکي پراختیا آمریت له لوري د پوهنتون استادانو لپاره ( د زده کړې ارواپوهنې له بنسټونو سره د بلدتیا) ترسرلیک لاندې یو ورځنۍ ورکشاپ د کابل ښوونې او روزنې پوهنتون، علمي چارو مرستیال، استادانو مسلکي انکشاف آمر، مسلکي پراختیا مسؤولینو او استادانو په ګډون پيل شو.
ورکشاپ د قرآنکریم د څو مبارکو آیتونو په تلاوت سره پیل شو.
لومړۍ، د کابل ښوونې او روزنې پوهنتون علمي چارو مرستیال ښاغلي مولوي احسان الله"ناصح"د پرانیستونکې وینا په ترڅ کې د استادانو علمي رول او مسؤلیت ته په اشارې سره وویل، چې د ارواپوهنې بنسټیزې پوهې ته بلدتیا د تدریس د کیفیت لوړولو، د محصلینو د رواني وضعیت درک او د ښوونیز بهیر د لا پیاوړتیا لپاره بنسټیز ارزښت لري. نوموړي د دا ډول علمي پروګرامونو د دوام پر اړتیا هم ټینګار وکړ.
وروسته، د استادانو مسلکي انکشاف آمر ښاغلي پوهنوال دوکتور عبدالجبار "څپاند" خپلو خبرو کې د ورکشاپ موخې روښانه کړې او زیاته یې کړه، چې د استادانو مسلکي ظرفیت لوړول د پوهنتون له مهمو لومړیتوبونو څخه دي، او دا ډول روزنیز ورکشاپونه د تدریس په عصري کولو کې مهم رول لري.
وروسته له مقدماتي خبرو، یاد ورکشاپ د ښاغلي پوهاند عبدالمنان"حقیار" لخوا رسماً پیل او د زده کړې ارواپوهنې بنسټیز مفاهیم، د زدهکړې او تدریس له بهیر سره یې اړیکه، د محصلینو چلند پېژندنه او د ښوونکي او زدهکوونکي ترمنځ د سالم تعامل لارې چارې اړوند هراړخیز معلومات یې له استادانو سره شریک کړل.
ورکشاپ د دعایې په ویلو سره پای ته ورسېد.
