کابل ښوونې او روزنې پوهنتون د ارواپوهنې پوهنځي محصلینو د علمي سفر په ترڅ کې د صحت روان رغتون له مختلفو برخو څخه لیدنه وکړه!
شنبې ورځ د ١٥/٦/١٤٠٤ هـ.ش چې له ١٣/٣/١٤٤٧ هـ.ق نېټې سره سمون لري د کابل ښوونې او روزنې پوهنتون د اراوپوهنې پوهنځي محصلینو د علمي سفر په ترڅ کې د صحت روان رغتون له مختلفو برخو څخه لیدنه وکړه.
په یاد سیر علمي کې د کابل ښوونې او روزنې پوهنتون استادانو او ارواپوهنې پوهنځي محصلینو ګډون درلود.
د کابل ښوونې او روزنې پوهنتون رئیس ښاغلي شیخ الحدیث سید بشیرآغا"هاشمي" او محصلانو چارو مرستیال ښاغلي مولوي رحمان ګل "وثیق" خپلو خبرو کې یې د ښه سفر غوښتلو ترڅنګ، محصلینو ته د یاد علمی سفر ارزښت اړوند هراړخیزې خبرې وکړې او محصلینو ته یې په راتلوونکې کې د نورو سیر علمي برنامو ترتیب کولو وعده ورکړه، زیاته یې کړه: د یاد سیر علمي هدف او موخه د رواني ناروغیو د پیداکېدلو علتونو او د یادو ناروغیو د درملنې حل لارو اړوند د ارواپوهنې محصلینو پوهاوي کچې لوړاوي لپاره د معلوماتو ترلاسه کول دي.
یاد سیر علمي چې د محصلانو همغږۍ او خدمتونو چارو آمریت لخوا د ارواپوهنې پوهنځي په همغږۍ په لار اچول شوی وو، محصلینو د صحت روان روغتون له مختلفو برخو څخه لیدنه وکړه او د روغتون مسؤلینو لخوا د رواني امراضو اړوند هراړخیز معلومات له محصلینو سره شریک شول.
