کابل ښوونې او روزنې پوهنتون رئیس د تدریسی چارو ښه والي په پار د ماسټرۍ څانګې مسؤولینو او استادانو سره غونډه وکړه!
یکشنبې ورځ د ١٩/١٢/١٤٠٣ هـ.ش چې له ٩/٩/١٤٤٦ هـ.ق نېټې سره سمون لري د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" د تدریسي چارو ښه والي په پار د ماسټرۍ څانګې مسؤولینو او استادانو سره لیدنه وکړه.
غونډه د قرانکریم د څو مبارکو آیاتونو په تلاوت سره پیل شوه.
په یاده غونډه کې د پوهنتون رئیس، علمي چارو مرستیال او ماسټرۍ څانګې مسؤولینو او استادانو ګډون درلود.
لومړۍ، د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" په خپلو خبرو کې د غونډې دایرېدو اړوند ګدونکوونکو ته معلومات ورکړل، زیاته یې کړه: کابل ښوونې او روزنې پوهنتون ۱۴۰۲ او ١٤٠٣ کالونو کې د ماسټرۍ نوې برنامې اېجاد کړي او کوښښ کوو چې راتلونکي کال ته نورې برنامې هم د ټولنې اړتیا او ضرورت مطابق اېجاد کړو.
همدارنګه ښاغلي "هاشمي" ماسټرۍ برنامو استادانو ته د " استادانو کورس پالیسۍ، درسي صنفونو ته ١٥ دقیقې مخکې له تدریس څخه د استادانو حاضرېدلو، کړېډت سیسټم پوره کولو، ماستړۍ برنامو لپاره د لارښود جوړولو، ماسټړۍ برنامو کې د تدریس برخه کې د استادانو واجد شرایط اوسېدلو، څېړنو او د مقالو په لیکلو کې محصلینو سره په څېړنیزو برخو کې همکاري، د ماسټرۍ برنامو درسي کیفیت لوړواي، درسي پلانونو ښه والي، د تیزس لیکلو کې د لارښود استاد مسؤولیتونو، وظیفوی لایحې مطابق د دندو مخته وړلو او د محصلینو فکري او اصلاحي روزنې" په برخو کې اړینې سپارښتنې وکړې.
د غونډې په پای کې ښاغلي "هاشمي" د ماسټرۍ برنامو استادانو د نظرونو او وړاندیزونو آورېدولو وروسته یې د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
