د کابل ښوونې او روزنې پوهنتون د ژبو او ادبیاتو پوهنځي نويو کامیاب شویو محصلینو ته د کریډت سیسټم پېژندنې او د (پوهنځي پېژندنې) غونډه ترسره کړه!
سې شنبې ورځ د ٢٦/٤/١٤٤٦ ه.ق. چې له ٨/٨/١٤٠٣ ه.ش. نېټې سره سمون لري د کابل ښوونې او روزنې پوهنتون د ژبو او ادبیاتو پوهنځي مسؤولینو د ١٤٠٣کال خزاني سمسټر هغه محصلینو ته چې د یاد پوهنځي بېلابېلو څانګو ته نوي بریالي شوي دي د پوهنځي پېژندګلوۍ، کریډت سیسټم پېژندنې او مربوطه امکاناتو په پار یو ورځنۍ ورکشاپ ترسره کړو.
په یاده غونډه کې د پوهنتون رئیس، ژبو او ادبیاتو پوهنځي رئیس، استادانو او محصلینو ګډون درلود.
لومړۍ د کابل ښوونې او روزنې پوهنتون رئیس ښاغلي شیخ الحدیث سید بشیر آغا "هاشمي" محصلینو ته د مبارکۍ ترڅنګ، له استادانو او کورنۍ سره د ښو اخلاقو، ښې عقیدې درلودلو، هدف درلودلو، مسلکي زده کړو، د عصری زده کړو ترڅنګ د دیني زده کړو، له کتابتون او لابرتوارو څخه د ګټه اخیستلو او د پوهنتون اصولو او قوانینو مطابق د درسونو مخته وړلو اړوند اړینې سپارېښتنې وکړې.
وروسته د ژبو او ادبیاتو پوهنځي رئیس ښاغلي پوهاند نورمحمد"احمدزي" په خپلو خبرو کې محصلینو ته د مبارکۍ ترڅنګ، د ژبو او ادبیاتو پوهنځي ارزښت اړوند محصلینو سره هراړخیز معلومات شریک کړل.
په پای کې د ژبو او ادبیاتو پوهنځي استاد، ښاغلي پوهنیار عبدالله"مخلص" نويو کامیاب شویو محصلینو سره د پوهنځي تشکیل، استادانو، اداري کارمندانو، پوهنځي اهدافو، درسي میتودونو، تعلیمي کال، سمسټرونو شمېر، امتحانونو، د کریدټ سیستم لایحه او درسي ټایمونو اړوند، اړین معلومات شریک کړل.
د پوهنتون رئیس ټولو محصلینو ته د الله(ج) له درباره د کامیابۍ هیله وکړه.
