د چاپېریال پاک ساتل د هر مسلمان دیني او اسلامي وجیبه ده!
د کابل ښوونې او روزنې پوهنتون د چاپېریال او مربوطه ساحې د پاکوالي او منظم کېدلو چارې پیل شوې.
د پنجشنبې ورځ د ۲۰/۱۲/۱۴۴۵ ه.ق چې له ۷/۴/۱۴۰۳ ه.ش نېټې سره سمون لري د پوهنتون مربوطه ساحو د نظم او پاکوالي په پار د کابل ښوونې او روزنې پوهنتون رئیس، علمي چارو مرستیال، پوهنځیو رئیسانو، استادانو، اداري کارمندانو او خدماتي کارکوونکو په گډون د پوهنتون د پاک والي چارې پیل شوې.
د پوهنتون رئیس ښاغلي شیخ الحدیث مولوي سید بشیر آغا "هاشمي" چې خپله یې هم په دغه پروگرام کې برخه اخیستې وه، ټولو گډونکوونکو ته د چاپېریال د پاک ساتلو په هکله خبرې وکړې، زیاته یې کړه: چې د چاپېریال پاک ساتل د هر مسلمان وګړي مسؤولیت دی.
یاد پروګرام به د نن ورځې تر پای پورې دوام وکړي او د پوهنتون ټوله داخلي ساحه به پاکه او منظم کړي.
