کابل ښوونې او روزنې پوهنتون د طبیعي علومو پوهنځي د کتابتون پرانیست غونډه تر سره شوه!
چهارشنبې ورځ د ٢٢/١٠/١٤٤٥ ه.ق. چې له ١٢/٢/١٤٠٣ه.ش نېټې سره سمون لري د کابل ښوونې او روزنې پوهنتون د طبیعي علومو پوهنځي د کتابتون برانیست غونډه د پوهنتون رئیس، معاونینو، پوهنځیو رئیسانو او اداراي آمرینو په ګډون ترسره شوه.
غونډه د قرآن کریم د څو مبارکو آیاتونو په تلاوت سره پیل شوه.
لومړۍ، د طبیعي علومو پوهنځي رئیس ښاغلي پوهنوال محمد حسین " نداء" د غونډې ګډوونکونکو ته د ښه راغلاست ترڅنګ، وویل: د طبیعي علومو پوهنځي محصلینو ته د آسانتیاوو برابرولو په پار مو کتابتون جور کړو، ترڅو محصلین په ارامه فضا کې ورڅخه ګټه واخلي او د غونډې ګډوونکونکو سره یې د کتابتون اړوند هر اړخیز معلومات سره شریک کړل.
وروسته، د کابل ښوونې او روزنې پوهنتون رئیس ښاغلي شیخ الحدیث و القران سید بشیر آغا “هاشمي” د کتابتون پرانیستلو اړوند خوښي څرګنده کړه، زیاته یې کړه د پوهنتون رهبري له یاد پوهنځي سره پوره همکار دی او د کتابتون په غني کولو کې به د طبیعي علومو پوهنځي سره پوره همکاري وکړي.
د یادولو وړ ده چې یاد کتابتون کې زر (۱۰۰۰) جلده ساینسی مضامین وجود لري چې محصلین به د خپلو رشتو مطابق ورڅخه پوره ګټه واخلي.
