کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" له اداري کارمندانو سره غونډه ترسره کړه!
یکشنبې ورځ د 27/12/1402 هـ.ش چې له 7/9/1445 هـ.ق نېټې سره سمون لري د کابل ښوونې او روزنې پوهنتون رئیس، له اداري کارمندانو سره لیدنه وکړه.
غونډه د قرانکریم د څو مبارکو آیاتونو په تلاوت سره پیل شوه.
په یاده غونډه کې د پوهنتون رئیس او اداري برخو کارمندانو ګډون درلود.
د کابل ښوونې او روزنې پوهنتون رئیس ښاغلي شیخ الحدیث مولوي سید بشیر آغا "هاشمي" په خپلو خبرو کې وویل: چې یاده غونډه له کارمندانو سره د ورځنیو کارونو په منظمه توګه د مخته وړلو په پار نیول شوې ده.
زیاته یې کړه: محترمو کارمندانو پوهنتون مو مشترک کور دی، پوهنتون کې د ورورولی فضا رامنځته کړئ او ټولو کارونو کې له یو بل سره مشورې کوئ.
همدارنګه ښاغلي "هاشمي" کارمندانو ته "په کارونو کې ریښتینوالي، په وخت دفترونو ته راتللو او د دفاترو تر منځ د همغږۍ موجودیت " اړوند اړینې سپارښتنې وکړې.
د غونډې په پای کې ښاغلي "هاشمي" د کارمندانو د نظرونو او وړاندیزونو اورېدولو وروسته د هغو په عملي کولو تعهد او ټينګار وکړ.
غونډه د دعایې په ویلو سره پای ته ورسېده.
