کابل ښوونې او روزنې پوهنتون 1403 کال(شپني، څوارلسم پاسانو او دیني مدارسو او ماسټرۍ برنامو) خبرتیا!
د کابل ښوونې او روزنې پوهنتون ټولو علاقه مندانو ته خبر ورکول کیږي، چی د راتلوونکي 1403 کال لپاره د کابل ښوونې او روزنې پوهنتون لخوا په لاندې مختلفو برخو کې:
1- ماسټرۍ برنامې(تفسیر، فقه، پښتو، دري او انګلیسي ادبیات، ریاضي، عمومي ښوونه او روزنه، ښوونیز مدیریت او ټولنپوهنه)
2- څوارلسم پاسان او دیني مدارس(تفسیر او حدیث، فقه او عقیده، پښتو، دري او انګلیسي ادبیات، ریاضي، فزیک، کیمیا، بیولوژي، تاریخ، جغرافیه او بدني روزنه)
3- شپني(تفسیر او حدیث، فقه او عقیده، معلوماتي سیسټمونه او معلوماتي تنکالوژۍ) لپاره نوملیکنه پیل شوې.
علاقه مندان کولای شي چې د نوملیکنې فورمونه د یکشنبې ورځ 1402/11/15 ه.ش. نېټې څخه د کابل ښوونې او روزنې پوهنتون، محصلانو چارو معاونیت د ثبت او راجسټر مدیریت څخه ترلاسه کړي.
نوت: د نوم لیکنې(فورم اخیستلو)لپاره په یادو برخو کې د لاندې اسنادونو درلودل اړین دي:
* (دوولسم شهادت پاڼې، څوارلسم سند او ډیپلوم) رنګه کاپي هرې مربوطه برخې کې.
* ماسټرۍ لپاره ترانسکرېپټ رنګه کاپي.
* ټولو برخو کې پېژندپاڼې رنګه کاپي.
* ټولو برخو لپاره یوه قطعه انځور.
ټول گران علاقه مندان دې خبر وي.
