برای محصلانِ جدیدالشمول پوهنتون تعلیم وتربیه کابل مراسم خوش‌آمد گویی برگزار گردید.
روز یک‌شنبه مؤرخ ۱۲/۳/۱۴۴۶ ه.ق مطابق ۲۵/۶/۱۴۰۳ ه.ش. برای محصلانِ سال(۱۴۰۳) که جدیداً به پوهنځی‌های مختلف پوهنتون کامیاب گردیده‌‌اند، با حضورداشت سرپرست وزیر تحصیلات عالی، معین مالی و اداری وزارت، رؤسای وزارت، رئیس پوهنتون، معاونین، رؤسای پوهنځی‌ها، آمرین اداری، استادان و محصلان پوهنتون، محفل خوش‌آمدید برگزار گردید.
در آغاز، محترم شیخ الحدیث سید بشیر آغا"هاشمی" رئیس پوهنتون ضمن مبارکی به محصلان راجع به اخلاق نیکو با استادان و والدین، توجه به دروس مسلکی، یادگیری علوم دینی پهلوی علوم عصری، استفاده از کتاب‌خانه و لابرتوارها و تعقیب نمودن دروس مطابق اصول و مقرارت پوهنتون، توصیه‌های لازم نمودند.
بعداً، محترم شیخ الحدیث مولوی نداء محمد"ندیم"صاحب سرپرست وزیر تحصیلات عالی برای محصلانِ جدیدالشمول ضمن خوش آمدید گویی، گفتند: شما آینده کشور هستید، دروس خویش را به‌طور منظم تعقیب نمایید و کوشش نمایید بعد از سپری نمودن چهار سال دوری تحصیلی صاحب علم و شخصیت بزرگ گردید.
همچنان، محترم حافظ حسیب"حامد" معین مالی و اداری وزارت تحصیلات عالی با محصلان راجع به ارزش علم در زند‌ه‌گی سخنان ارزشمند شریک نمود.
در جریان محفل از طرف رؤسای وزارت تحصیلات عالی و معاون امور علمی پوهنتون با اشتراک کننده‌گان راجع به دروه چهارساله تحصیلی سخنان معلومات مفید شریک گردید.
در ختم محفل برای محصلان که با بلندترین نمرات به پوهنځی‌های نُه‌گانه پوهنتون کامیاب گردیده بودند، تحسین‌نامه‌ها اهداء گردید.
محفل با دعای خیر به پایان رسید.
