امتحانِ زبان بین‌المللی (انگلیسی) کاندیدانِ بست‌های کادری پوهنتون‌های تعلیم وتربیه کابل، بامیان و وردگ اخذ گردید!

روز سه‌شنبه مؤرخ 9/8/1402 مطابقِ 15/4/1445 ه.ق. امتحانِ کاندیدان بست‌های کادری پوهنتون‌های (تعلیم و تربیه کابل، بامیان و وردگ) در مرکز آی سی تی (ICT) پوهنتون تعلیم و تربیه کابل اخذ گردید.

در آغاز محترم شیخ الحدیث مولوی سید بشیر آغا "هاشمی" رئیس پوهنتون تعلیم و تربیه کابل، راجع به چگونه‌گی امتحان صحبت کردند.

از استادان و تیم تخنیکی خواستند که پروسه امتحان به‌طور شفاف برگزار گردد و در این عرصه دقت و امانت‌داری را در نظر بگیرند.

هم‌چنان محترم دوکتور پوهاند جمشید خان"رشیدی"معاون امور علمی پوهنتون، به اشتراک کننده‌‌گان راجع به شفافیت و نظم در امتحان اطمینان دادند.

بعداً محترم محمدمنصور "واحدی" آمر تکنالوژی معلوماتی پوهنتون، راجع به امتحان معلومات داده، افزودند: امتحان به طور شفاف توسط(Program Online Exam(OEP)) اخذ می‌گردد، این سیستم از جعل و دست‌‌کاری محفوظ می‌باشد که بعد از به پایان رسیدنِ امتحان نتیجه اعلان می‌گردد، استادان، هئیت امتحان و اشتراک کننده ‌گان هم‌زمان می‌توانند نتیجه امتحان را به روی صفحه سیستم مشاهده نمایند..

قابل ذکر است که امتحانِ تخصصی(تحریری) کاندیدان موفق امتحان زبان بین‌المللی (انگلیسی) بعداً از صفحه رسمی پوهنتون اعلان می‌گردد.