د کابل مرکزي او د مرکزي زون د پوهنتونونو د کادري بستونو لپاره د نوملیکنې او ازموینې په اړه د وضاحت خبرتیا!
ـ د کابل مرکزي (کابل پوهنتون، کابل طبي پوهنتون، کابل پولي تخنیک پوهنتون او کابل ښوونې او روزنې پوهنتون) اړوند ټولو پوهنځیو د علمي کادري بستونو لپاره نوملیکنه او ازموینه به اړوندو پوهنتونونو کې ترسره کېږي.
ـ د البیروني، پروان او بامیان پوهنتونونو او همدارنګه د پنجشیر او وردګ لوړو زده کړو موسسو د ښوونې او روزنې اړوند خالي کادري بستونو نوملیکنه او ازموینه د کابل په ښوونې او روزنې پوهنتون کې تر سره کېږي.
ـ د البیروني پوهنتون د طب پوهنځی د خالي کادري بستونو لپاره نوملیکنه او ازموینه په کابل طبي پوهنتون کې تر سره کېږي.
ـ د البیروني، پروان، بامیان پوهنتونونو او د پنجشیر لوړو زده کړو موسسې د انجنیري پوهنځی د خالي کادري بستونو لپاره نوملیکنه او ازموینه په کابل پولي تخنیک پوهنتون کې ترسره کېږي.
ـ د البیروني، پروان او بامیان پوهنتونونو او همدارنګه د پنجشیر او وردګ لوړو زده کړو موسسو له یادو ذکر شوو پوهنځیو پرته د نورو پوهنځيو لپاره د خالي کادري بستونو لپاره نوملیکنه او ازموینه په کابل پوهنتون کې ترسره کېږي.
د یادولو وړه ده چې د یادو خالي کادري بستونو لپاره نوملیکنه روانه ده او د ۱۴۰۰/۱۲/۵ نېټې پورې دوام لري.
