هیأت ریاست نصاب وزارت تحصیلات عالی بررسی نصاب برنامه‌های لیسانس، ماستری و دوکتورا پوهنتون تعلیم و تربیه کابل را آغاز نمودند!

روز چهارشنبه مؤرخ ۲۴/۱۱/۱۴۰۳ ه.ش مطابقِ ۱۳/۸/۱۴۴۶ ه.ق هیأت ریاست نصاب وزارت تحصیلات عالی بررسی نصاب برنامه‌های لیسانس، ماستری و دوکتورا پوهنتون تعلیم و تربیه کابل را آغاز نمودند.

جلسه مقدماتی با تلاوتِ چند آیات از قران‌مجید با حضورداشت معاونین پوهنتون، رؤسای پوهنځی‌ها و هیأت ریاست نصاب وزارت تحصیلات عالی آغاز گردید.

در آغاز، محترم پوهنمل دوکتور قدرت الله"عمرخیل" معاون امور علمی پوهنتونِ تعلیم و تربیه کابل ضمن خوش آمدید گویی به اشتراک کننده‌گان، معرفی رؤسای پوهنځی‌ها را با هیأت وزارت تحصیلات عالی نموده، افزودند: مسوولین پوهنځی‌ها در بررسی نصاب با شما همکار می‌باشند و خواهشمندیم که بررسی نصاب برنامه‌های پوهنتون به‌شکل بهتر خاتمه یابد.

بعداً، هیأت ریاست نصاب وزارت تحصیلات عالی راجع به هدف آمدن شان به پوهنتون و ترتیب و تنظیم بررسی نصاب برنامه‌های پوهنتون سخنان همه‌جانبه گفتند.

قابل ذکر است که ۴۰ تن هیأت ریاست نصاب وزارت تحصیلات عالی به مدت چند روز در پوهنتون بوده و نصاب برنامه‌های لیسانس، ماستری و دوکتورا را از نزدیک بررسی خواهند نمود.